Mufti wa Al-Quds Wazayuni waliovunjia heshim Qur’ani Tukufu

TEHRAN (IQNA) - Mufti Mkuu wa al-Quds (Jerusalem) na Palestina amelaani kitendo cha hivi karibuni cha walowezi wa Kizayuni cha kuivunjia heshima Qur'ani Tukufu katika Ukingo wa Magharibi wa Mji wa Al-Khalil (Hebron).

Sheikh Mohammed Hussein katika taarifa yake amelaani vikali kitendo hicho cha kufuru na kusema ni uhalifu wa kibaguzi na wa kutisha.

Alionya kuwa hatua hizo za chuki dhidi ya Uislamu zinaumiza hisia za watu na zinaweza kusababisha mvutano mkubwa.

Hii si mara ya kwanza kwa Wazayuni wenye msimamo mkali kukidharau Kitabu cha Mwenyezi Mungu, alichukia.

Sheikh Mohammed Hussein pia alikashifu ukimya wa vyombo vya kimataifa kuhusu kuvunjiwa heshima matakatifu ya Kiislamu katika nchi tofauti.

Ametoa wito kwa Umoja wa Mataifa na nchi za dunia kupitisha sheria zinazopiga marufuku kuvunjiwa heshima matukufu ya kidini.

Wote wanaochukua hatua hizo wanapaswa kuhukumiwa na kuadhibiwa ili kukomesha vitendo vya chuki duniani, alisisitiza.

Hivi majuzi, walowezi wa Kizayuni wenye msimamo mkali walichana kurasa za nakala kadhaa za nakala ya Qur'ani Tukufu na kuzichoma moto karibu na Msikiti wa Ibrahimi huko Al-Khalil.

Vitendo vya kuvunjiwa heshima Qur'ani katika nchi tofauti zikiwemo Uswidi, Denmark na Uholanzi katika miezi ya hivi karibuni vimeshutumiwa na watu wengi katika ulimwengu wa Kiislamu.

4180759