Bu 17 yaşlı qız Quran hafizidir və İlahi vəhyi kitabət edib – FOTO
Fatimə Yusif Ədli Misrin Qəna əyalətinin Fərşut şəhərində yaşayır. O, Quranla mənus bir ailədə böyümüşdür. Atası İslami tərbiyə və Quran elmləri müəllimidir. Qızını da Quran təhsili almaq üçün "əl-Əzhər" mədrəsəsinə göndərmişdir.
Fatimə deyir: İbtidayi sinifdə oxuyarkən Quranı əzbərləməyə başladım. Təhsilimin davamında təcvid və qiraət qaydalarını da öyrəndim. Əl-Əzhərdə təhsil almağım bu yolda tez inkişaf etməyimə səbəb oldu. Qurani-Kərimi bir ilə əzbərlədim.
O deyir: Quranı kitabət etməyim xoşuma gəlirdi və incəsənət zövqümə uyğun idi. Quranı yazaraq ayələri təkrarlayırdım və bu hifzimi gücləndirirdi. Bu həm də xəttimin gözəlləşməyinə səbəb oldu.
Fatimə Yusif Ədli hazırda əl-Əzhərin Quran müəssisələrindən birində 8-12 yaşlı uşaqlara Quran hifzi dərsi deyir. Bundan əlavə Qurani-Kərimi məşhur 10 qiarətini öyrənməyə çalışır. /3911035
