Museo na Naglalarawan ng Buhay ni Propeta Muhammad na Itatayo sa Pakistan
Inilatag noong Sabado ni Punong Ministro Shehbaz Sharif ang pundasyong bato ng museo na pinondohan ng Saudi na magpapakita ng mga labi na may kaugnayan sa buhay ni Propeta Muhammad (Sumakanya nawa ang Kapayapaan), iniulat ng media ng estado ng Pakistan.
Ang seremonya ng paglalatag ng pundasyong bato ng Museo ng Seerat sa Islamabad ay dinaluhan ni Liga ng Mundo ng Muslim [Muslim World League (MWL)] Kalihim-Heneral Mohammad bin Abdulkarim Al-Issa at ng Embahador ng Saudi Arabia sa Pakistan na si Nawaf bin Said Al-Malki.
Sa pagsasalita sa seremonya, sinabi ni PM Sharif na ang museo ay makakatulong sa pagkontra sa Islamopobiya at pagpapalaganap ng kaalaman tungkol sa mga turo at buhay ni Propeta Muhammad (SKNK) sa mga taong naninirahan sa Pakistan at sa ibang bansa.
"Ang Museo ng Seerat ay hindi lamang magpapalaki ng kamalayan tungkol sa buhay, ugali at mga turo ni Propeta Muhammad (SKNK) ngunit tuturuan din ang mga tao kung paano mamuhay ang kanilang buhay at pamahalaan ang mga ugnayan sa ibang tao," binanggit siya ng ahensiya ng balita ng APP.
