Kamfanin dillancin labaran kur’ani na iqna ya habarta cewa, ‘yar wasan kasar Moroko Nahileh Benzine ta zama ‘yar wasa ta farko a gasar cin kofin duniya ta mata da ta fafata a gasar cin kofin duniya da ake yi a sanye da hijabi lullubi.
Nahileh Benzine, 'yar wasan baya ta 'yan wasan kasar Morocco, ta kafa tarihi a matsayin 'yar wasa ta farko da ta fara saka lullubi a gasar cin kofin duniya a lokacin da ta buga da Koriya ta Kudu a wasa na biyu na gasar cin kofin duniya ta mata.
An dage takunkumin FIFA na sanya tufafin addini a wasanni a shekara ta 2014 bayan samun goyon baya daga masu fafutuka, 'yan wasa da kwallon kafa da jami'an gwamnati.
Asma Hilal, wacce ta kafa cibiyar wasanni ta mata musulmi a kasar Maroko, ta ce: Ba na shakkar cewa mafi yawan mata da 'yan mata musulmi suna kallon Benzina kuma suna samun kwarin gwiwa daga gare ta.
Benzina tana buga wasan ƙwallon ƙafa na ƙungiyar Royal Armed Forces Sports Association kuma ta kasance zakara sau takwas a jere a gasar Premier ta mata ta Morocco.
Morocco ita ce kasa ta farko daga Larabawa da Afirka da ta samu tikitin shiga gasar cin kofin duniya ta mata.