İQNA-nın (Beynəlxalq Quran Xəbər Agentliyi) verdiyi xəbərə görə, Azərbaycan respublikasının müxtəlif şəhər və rayonlarının müxtəlif məscidlərində İmam Mehdi Sahib-Zamanın (ə.f) mübarək mövlud mərasimi təmtəraqlı və izdihamlı şəkildə qeyd edilib.
Azərbaycan respublikasının Əhli-Beyt (ə) davamçıları İmam Mehdinin (ə.f) mövlud mərasimində məscidlərə toplaşıblar. Mərasimdə xətiblər söhbət edib, məddahlar imamın (ə.f) şənində mədhiyyələr oxuyub, şairlər şeir deyiblər. Müsəlmanlar "bərat gecəsi"ni əhya saxlayıb və dualar ediblər.
Qeyd edək ki, İslam dini Azərbaycana 7-ci əsrdə (3-cü hq) daxil olub. Hazırda bu ölkənin 95 faizini müsəlmanlar təşkil edir. Müsəlmanların 85 faizi isə Əhli-Beyt (ə) davamçıları olan şiələrdir.